Velkomin á heimasíðu Reynistaðarættarinnar

Smettiskinna

Sun, 09 Nov 2008 17:40:31 GMT

Sæl og blessuð öll!
Ég ákvað að skella inn grúbbu á Facebook tileinkaðri Reynistaðarfjölskyldunni. Skemmtilegt að halda alla vega netsambandi við fólk! Vonandi eru allir við góða heilsu og hlakka til jólanna! ;-)

Bestu kveðjur frá Ásu og Valla Kalla í Englandi.

Myndir

Tue, 22 Jul 2008 19:46:54 GMT

Loksins koma myndir frá ættarmótinu.... hér neðarlega til vinstri er tengill á myndaalbúmið.

Vildi svo bara þakka fyrir frábært ættarmót, það stóð fyllilega undir væntingum og meira til þó sólin hafi klikkað í þetta sinn.

Fjölskylda Ollu og fjölskylda Ástu eiga stórt hrós skilið !!!

Næsta ættarmót verður svo í höndum Helga og fjölskyldu og Geirs og fjölskyldu.... og líklega haldið í Vestmannaeyjum eftir þrjú ár.

Kveð í bili,
Matta

Tilkynning

Tue, 08 Jul 2008 09:39:29 GMT

Nú ert allt að tryllast enda bara tveir og hálfur dagur í fjörið.

Atriði sem vert er að athuga;

1) Það er vægt gjald í sundlaugina, td. 150 krónur fyrir börn og ellilífeyrisþega( 67 og eldri) Laugin, sem er almenningslaug,er opin frá 14-20 en verður opnuð sérstaklega fyrir okkur kl.11.00 á laugardagsmorguninn, svo við getum svamlað í friði í 2 tíma áður en hinn sauðsvarti almúgi mætir.

2) Vinsamlegast mætið með aura og seðla til að borga fyrir sameiginlega matinn á laugardagskvöldinu. Engin kort takk.

3) Það er sjoppa rétt hjá tjaldstæðinu, tekur 1.mín með bíl, og þar er gott úrval af sælgæti, bensín ofl.

4) Mæta með góða skapið og búa sig vel.

kv. Undirbúningsnefndin

11 dagar !!!

Mon, 30 Jun 2008 09:13:16 GMT

Já gott fólk þá eru 11 dagar í ættarmótið okkar og fólk farið að iða í skinninu. Ágætt að það komi fram að ættarmótið er í höndum niðja Ollu og Ástu. Ástu synir og fjölskylda sjá t.d. um matinn á laugardagskvöldið.
Það lítur allt vel út með þátttöku og svo er bara að treysta á gott veður, helst sól og bongóblíðu (við Eyjamenn erum vís með að taka smá gott veður með okkur í skottið).

Ef það er eitthvað sem þið viljið koma á framfæri...bara að commenta hér að neðan.
...........og svo má ekki gleyma sundfötunum, þarna er sundlaug sem við megum nota að vild.

kv. Matta

Styttist og styttist...........

Fri, 20 Jun 2008 11:16:52 GMT

Var að tala við Rúnu og hún bað mig að ítreka við þá sem eiga eftir að borga að BORGA...... þið sem skoðið þetta endilega ýtið á ykkar familíu og þá sem þið hittið.
Annars er þátttaka ágæt og miðast við þá sem eru búnir að borga.
AÐEINS 20 DAGAR Í FJÖRIÐ !!!!!!

Jóna og Sigþóra á spjallinu á síðasta ættarmóti

Áhuginn og einbeitnin skín úr andlitum Reynistaðarfólks

Feðgar spila

Kveðja, Matta

Bréf númer 2 (á leið í póst)

Fri, 25 Apr 2008 11:13:47 GMT

Stórmót Reynistaðaættarinnar. 2.Hluti- Nú á að skrá sig!

Helgin: 11-13 júlí –Ættarmót Reynistaðaættarinnar. Staðurinn: Hlaðir í Hvalfirði/Hvalfjarðarströnd (Rétt hjá Ferstiklu)

Auðvitað verður mikil stemmning, ásamt sólskini og heitu veðri.

Við reiknum með að allir vilji vera með í sameiginlegum mat á laugardagskvöldinu. Vinsamlegast borgið þáttökugjald fyrir 1.júní.

800 fyrir fullorðna( 16 ára og eldri )og 400 fyrir börn yngri en 16 ára. ATH: Hjón með 3 börn eða fleiri, greiða aðeins fyrir 2.

Reiknnr. 537-14- 610554; kt :230568-5889 (Tilgreinið fullt nafn)

Föstudagur:

16-19 Allir mæta,slá upp tjaldi og hengja upp lundann.

KL.19.00 Hver mætir með sinn mat inn í sal, nú eða borðar úti ef veður leyfir. Helgi Lása sér um að slá á létta gítarstrengi í dinnerlögum af alkunnri snilld.

Kl.20.00 Kvöldvaka og leikir fyrir börn,unglinga og fullorðna. Umsjón: Valgeir Skagfjörð. Afmælissöngurinn sungin fyrir Jónu systur.

Laugardagur:

9-11 Þeir alhörðustu gera Mulleræfingar á sundlaugarbakkanum.

Kl.11-13 Hádegissnarl að hætti hvers og eins.

Kl. 13:00 Ratleikur/ Útileikir-Pokahlaup,Stórfiskaleikur ofl.

Kl. 16:00 Landsleikur í Fótbolta-Land vs Eyjar / Eða valið í lið!!

Kl. 19:00 Kvöldmatur-grill (Sameiginleg máltíð á mjög góðu verði)

KL.20:00 Kvöldvaka/Skemmtiatriði

Spurningakeppni um ættina, samkvæmisleikir,fjöldasöngur.

KL.22:00 Dansiball fyrir allan aldur-Allir með!

ATH: Þeir sem luma á atriði/söng,dansi ofl.láti ljós sitt skína á ættamótinu!! Vinsamlegast tilkynniið þáttöku til okkar!!!

(Hjödda 6900694,Sirrý 6957769,Rúna 8616363)

Sirrý: sig23@hi.is

Rúna: gudrung@ruv.is

Hjödda: hjordigu@landspitali.is

Nýtt nýtt um ættarmótið

Fri, 11 Apr 2008 12:53:16 GMT

Jæja þá fer líklega að fjölga færslum hér inni enda styttist í ættarmótið í sumar.
Rúna bað mig um að koma til skila að þær systur (Rúna, Hjödda og Sirrý) ætli að hittast um helgina og semja nýtt bréf þar sem upplýsingar um dagskrá og reikningsnúmer kemur fram auk þess sem fólk verður beðið um að tilkynna þátttöku. Bréf númer tvö er því væntanlegt á næstu dögum.

90 dagar í fjörið !!!

kv. Matta

1

Thu, 28 Feb 2008 11:16:29 GMT

Frænkuklúbbsslútt !!!

Mon, 07 May 2007 22:09:56 GMT

Á föstudaginn sl. var frænkuklúbbnum slúttað fyrir sumarfrí. Frænkuklúbburinn er saumaklúbbur eða réttara sagt kjaftaklúbbur sem hittist mánaðarlega og ræða þá um alla hina í ættinni...hehehehehe. Annika Geirs tók upp á því svo núna að slútta og gerði það með miklum glæsibrag. Óvissuferð skyldi það vera og mættum við heima hjá henni um kvöldmatarleytið. Þaðan fórum við allar saman í smá rúnt og þar kjaftaði Annika af sér að við værum að fara í sumarbústað....ótrúleg manneskja en það var mikið hlegið af þessu. Fyrsta stopp í óvissunni var hjá Geir á Reynistað og Helgu og þar beið okkar þvílíka humarforréttaveislan ásamt bjór og hvítvíni. Þessi heimsókn gleymist seint hjá okkur frænkunum. Þar næst var farið í heimsókn uppí Skátastykki þar sem Maddý, Erlingur, Helgi Lása og Marta voru í húsbílaútilegu með fleira fólki. Maddý var yfir sig hrifin að sjá okkur allar og við skáluðum fyrir okkur öllum. Sumarbústaður beið okkar svo með dýrindis kjúklingaréttum og svo var drukkið og djúsað, skellt sér í heita pottinn og spjallað. Kvöldið endaði svo á pöbbnum. Það þarf varla að segja frá því að við skemmtum okkur konunglega þetta kvöld enda allar með eindæmum skemmtilegar eins og við eigum kyn til.

Myndir frá kvöldinu eru hér

Fagnaðarerindið góða...

Sun, 18 Feb 2007 21:44:51 GMT

Matta frænka hitti óvart á frænda okkar, Einar, barnabarn Huldu Sigurlásdóttur. Bara gaman að því. Sá að Hulda og Einar skrifuðu í gestabókina. Velkomin. Jæja, það sem mér liggur á hjarta eru næstu plön hjá familí. Það var samþykkt hjá frænkumafíunni að halda upp á 100 ára afmæli ömmu Þuru heitinnar í haust. Þá með miklu fjöri og brambolti...eða svoleiðis.

Svo er pressa að halda annað grill í sumar eins og í fyrra. Nú vil ég vita hverjir hafa áhuga á slíri samkomu og það sem fyrst. Er að pæla í þá sömu helginni eða Hvítasunnunni ef fólk vill það frekar. Endilega tjáið ykkur sem fyrst annars fellur þetta líklega í gleymskunnar dá.

Og annað... ég hef gloprað öllum netföngum ættarinnar þegar ég fór með tölvuna mína í viðgerð...algjör ljóska. Endilega sendið mér netföngin ykkar á asgejoh@gmail.com

Jæja, það var ekki fleira í bili. Þið verðið að vera dugleg að dreifa grill-fagnaðar-erindinu og segja ykkar skoðun annað hvort í kommenti eða gestabók eða bara skrifa mér tölvupóst. Þoli það alveg. Ræðið endilega við aðra í fjölskyldunni og komist að niðurstöðu.Það er ekkert mál fyrir okkur Möttu að græja þetta eins og í fyrra ef þið hafið áhuga.

Kær kveðja,

Ása

Nýjar myndir

Thu, 04 Jan 2007 12:09:21 GMT

Bestu óskir um gleðilegt ár.

Loksins setti ég inn myndirnar frá aðventustundinni sem við héldum þann 10. desember sl. Þær eru hér til vinstri undir Myndir og Aðventustund. Endilega kíkið.

kv. Matta

Afsakið hið langa hlé...

Thu, 21 Dec 2006 00:57:42 GMT

Það gladdi mitt hjarta ósegjanlega að hitta ættingjana í Týsheimilinu þann 10.desember sl. Það stóð nú til að segja frá þessu fyrr en sökum anna í kennslukonustarfinu hefur það farist fyrir. En í tilefni þess að kennslukonan káta er komin í jólafrí (ponsu langþráð en það er önnur saga) verður bætt úr því. Þetta var sem sagt hin besta skemmtun og ómetanleg samverustund. Krakkarnir voru alsælir í föndri, piparkökumálun og listsköpun enda af óvenju listrænni fjölskyldu komnir. Sigurvegarar í smákökubakstrinum (einhvern veginn finnst mér þetta voðalega amerískt eitthvað og er alveg viss um að hann Alli frændi hefði getað gefið okkur góð ráð varðandi framkvæmdina...en það kemur kannski síðar...heheh) en hver var ég komin? Já, sigurvegararnir voru semsagt Anna Sirrý í 2.sæti með vanilluhringi og Kolbrún Lilja í því fyrsta með kattartungutoppa. Það skal tekið fram að engin brögð voru höfð í taflinu þó svo að báðir sigurvegararnir eigi maka sem eru bakarameistarar (vinna hvorugur við það samt) né að sú í fyrsta sætinu hafi og verið í dómnefndinni. Kökurnar vour allar með nafnleynd og svo var kosið með viðhöfn innan dómnefndarinnar sem hafði greinilega mikla unun af starfi sínu og ábyrgð ef eitthvað er að marka hlátrasköllin sem heyrðust reglulega frá henni...hehe...

Jæja börnin góð (ein að missa sig í kennslukonuhlutverkinu), þá er komið að lokum þessa pistils. Ég óska ykkur ánægjulegra stunda það sem eftir er aðventunnar og læt í mér heyra aftur fyrir jólin. Svo mun ég setja inn gestabókina úr aðventustundinni við tækifæri eða þegar ég verð í stuði þ.e.a.s.

Lifið heil og farið varlega í jólatraffíkinni...

Aðvenutstundin á morgun...jibbí...

Sat, 09 Dec 2006 18:09:26 GMT

Ég vil bara minna ykkur á hina dásamlegu aðventustund sem verður í Týsheimilinu milli kl. 14-16. Við verðum á efri hæðinni og búið að flagga Týsfánanum góða. Ég vona að sem flestir láti sjá sig til að spjalla og hlæja saman.

Ekki gleyma heimabakkelsiskeppninni...vegleg verðlaun í boði. Ég veit að keppnin verður hörð en það verður bara fjör.

Síðast en ekki síst..munið eftir góða skapinu og hlátrinum góða...:-)

Hér er svo bréfið...það kom ekki í fyrri færslu eins og ætlast var til...

Fri, 01 Dec 2006 15:15:48 GMT

Aðventustund hinnar stórskemmtilegu Reynistaðarfjölskyldu

Elskulegir ættingjar vorir, þetta bréf er sent á ættarlaukana (systkinin) og biðjum við ykkur um að koma þessu áleiðis til ykkar afkomenda.

Nú er komið að því að skemmtilegasta stórfjölskylda norðan Atlantsála (þó víðar væri leitað) hittist! Til stendur að stefna fjölskyldunni í Týsheimilið í Vestmannaeyjum, sunnudaginn 10. desember nk. milli kl. 14 og 16. Frænkurnar laga Þuru-súkkulaði og kaffi og bjóða upp á piparkökur og föndur fyrir börnin. Þeir sem vilja gosdrykki eða e-ð annað koma með slíkt sjálfir.

Þar sem aðventustund er alveg ný af nálinni í fjölskyldunni langar okkur til að brydda upp á þeirri nýbreytni að biðja fólk að koma með smá sýnishorn af jólasmákökubakstri ef hann er til staðar. Vegleg verðlaun í boði og um að gera að reyna að heilla dómnefndina upp úr skónum (eða kakópottinum!)

Til að standa straum af kostnaði þá verðum við með sama sýstem og í grillinu í sumar, kr. 500 á fjölskyldu!

Munið svo bara eftir góða jólaskapinu og hinum víðfræga Reynistaðarhlátri og þá verður þetta frábært!

Vonumst til að sjá sem flesta!

Kær kveðja,

Fjörugu Frænkurnar fræknu!

Nánari upplýsingar hjá Ásu (481-1934/863-0505) og Möttu (562-2302/661-8961)

Aðventustundin þann 10. desember 2006

Fri, 01 Dec 2006 15:14:22 GMT

Komið þið sælir ættingjar vorir nær og fjær!

Meðfylgjandi er bréf sem við sendum systkinunum í löturpósti. Við biðjum þau að koma innihaldi bréfsins áleiðis til sinna afkomenda. Til vonar og vara þá sendum við þeim sem við höfum netföngin hjá eintak í tölvupósti. Endilega að koma þessu á framfæri til allra ættingja sem þið eruð í sambandi við. Hlökkum til að hitta ykkur í notalegheitum á aðventunni.

Kær kveðja,

f.h. Fjörugu frænknanna fræknu

Ása og Matta

P.s. ef þið vitið um einhvern sem er með netfang en er ekki á listanum þá endilega að áframsenda á viðkomandi og biðja um að þeir sendi mér póst til að ég geti bætt þeim inn á.

Aðventustund hinnar stórskemmtilegu Reynistaðarfjölskyldu

Elskulegir ættingjar vorir, þetta bréf er sent á ættarlaukana (systkinin) og biðjum við ykkur um að koma þessu áleiðis til ykkar afkomenda.

Til að standa straum af kostnaði þá verðum við með sama sýstem og í grillinu í sumar, kr. 500 á fjölskyldu!

Munið svo bara eftir góða jólaskapinu og hinum víðfræga Reynistaðarhlátri og þá verður þetta frábært!

Vonumst til að sjá sem flesta!

Kær kveðja, Fjörugu Frænkurnar fræknu!

Nánari upplýsingar hjá Ásu (481-1934/863-0505) og Möttu (562-2302/661-8961)

Hér kemur bréfið: